Ech' leup et ch'l'arnard

ECH' LEUP ET CH' L'ARNARD, par Claude LECOUTRE

Ech'maîte amard, i queurre comme tous les matins
Pour faire sin jogging par chés pitits quémins
Quand à l' coin d'in bos, qui qui vouéïe, affaléïe ?

Sin copain Ysengrin, ech' leup in train ed' s'arposéïe

   - "Quo qu 'té fout là, faignant, incore couchéïe ?

Liève-té, viéns aveux mi faire du footing

Té t' sintira légéïe, in forme et t'auras el' tallefine !"
Ech' leup i s'liève et i gambatte

Darrière Ii, ch' l'arnard i l'incourache.

« Plus vite equ'cha, on n'est pont arrivéïe !

I nous resse core in.ne paire d'heures à cavaléïe »
Ech' l'rnard,li, i a dins sin sac ed' quoué boière et mingéïe
I manque pont d' grignotéïe et de s' désaltéréïe.

Ech' leup, à bout d"halon.ne, i s'époumon.ne.

I crache, i tousse et i s'éton.ne

Que ch' l'arnard i queurre si facil'mint.

- "Queuméint qu' té fais pour courir si lontemps?
- "L'intrenn'mint, min viux, l'intrenn'mint !"
Ech' leup ,i s'épuise, i s' laminte, i s'assoèffe

Et bétôt, el v'la prins d'fringale.

- "Pitié, arnard, pou mi récupéréïe, donne-mé à mingéïe et à boère ! 
- " Nonon, queurre, té dout perte du pouéds

Ed' toutes les façons, on est bétôt arrivéïe

Emme fin.me Hermeline, aIle va nous bichonnéïe !"
In.ne heure après, el mason de ch'l'arnard, alle est in vue.
Ysengrin, complèt'mint lessivéïe, i n'in peut pus.
Ch'l'arnard i accélère el' train

Laichant sin comarate in quémin ;

Quand ch' leup, i l'arjoint

Ch'l'amard i a déjà prins s'douche et i s'a restauréïe.
- "Laiche me rintréïe pour mi récupéréïe !

- "Que non ! T'avos qu'à pont trainéïe.

Artoume à t' mason vite fait, bién fait

Et'fin.me a s'tourminte. Alle a déjà téléphonéïe !"
Ech' leup complèt'mint dépitéïe

I s'arme.t in quéminin trainant ses pieds
Hontéwe et fourbu

Jurant comme in biéowe diape qu'on ne l'y r'prindra pus.