Overblog Suivre ce blog
Administration Créer mon blog
21 novembre 2012 3 21 /11 /novembre /2012 09:13

 

numerisation0005.jpg

Repost 0
Published by Harchelles - dans Textes Jean Dereudre
commenter cet article
31 mai 2010 1 31 /05 /mai /2010 17:26

 

Eine fausse idaye èd' nou pays, par Jean DEREUDRE

 

Quand in s' trimballe ein France, au louin,

Et qu'in rinconte, mi cha m'arrive,

N'ayant jamais venus dins nos cuins,

Des gins, intriguies, qui vous dichtent :

 

"Os êtes du Nord, ch'est-y possibe !"

In fesant semblant èd' s'apitoyer :

"Vou vie là in-hieuwe, dot ête terribe !

"Quemint qu'os faites pour résister ?"

 

Pour ieuwe, nou cuin, ch'est  pont vivabe,

I vinte, i pleut ou i brouaine,

I fait froue à s' reinde malade,

On in trann'roue rin qu'à les intin.ne.

 

Ch' solel, par ichi, i n' dot jamais luire,

Si on croue ché qui vous prétindent !

Comme is sont jamais vénus vir,

El' temps qu'in a et èl' vie qu'in mène.

 

Is chavent te pont, ches innochints

Qu'on a mouins èd' pleuve qu'in Normandie,

Et si in a ein peu èd' crachin

Os semmes pont toudis sous ch' parapluie.

 

On est pont tout à fait à ch' Pôle Nord !

Quand is nous crouites prins dins ches glaches,

Dins nou pays, èl' froui est mouins fort

Equ' dins d'autres contrayes comme l'Alsache.

 

Qui vienne-te v ir nos belles villes,

Aveuc lus beffroues, lus clochers,

Et nous paysaches fort tranquilles

Intrre l'Avenoue et l' Boulonnais.

 

Nos bos sont bin pus verdoyants,

Equ' les leurs qui printent fu in étaye

Et nous rivières ch'est pont des torrents

Qui risquent à tout moment èd' déborder.

 

Chaque païs a ses proublèmes

Dins ch' midi, in s' ramollit

Ichi, dins ch' Nord, in s' démène

On travalle fort, on queur toudis.

 

Qui vien-te ! Et is devront admette

Equ' dins l' Nord ch'est pont si désolant

Ed' nou cotaye, in veut bin arconnaîte

Equ' par ichi, èch' solel est moins luisant !

 

 

 

 

 

Repost 0
Published by Harchelles - dans Textes Jean Dereudre
commenter cet article
31 mai 2010 1 31 /05 /mai /2010 16:26

 

El' gardinache, par Jean DEREUDRE

 

     Os l' savez comme mi, ch' gardinache, cha demande graminit èd' ma, des suaies, des meux èd' ron.yes et j'in passe, mais aussi et in plus, i feuw du savouir.

     Ch'est pont rin d'arconnaître ches leunes montantes et deschindantes, ch' décour et pis ch' croessant, et aussi chelle leune rousse. Et à travers tout cha, trouver ch' meilleu momint pour sémer ou arpiquer.

     Et pis, ches légeumes, ch'est comme ches gins, i y in a qui peutent pont s' sintir et d'autes qui font bon ménache.

     Ech' l'ale, par eximpe, i peut pont souffrir ches haricots et ches pouos. Ches pouos justemint, is arbutent èd' voisiner aveuc ches échalotes, èch' parsil et pis ches ognons. Si j' vous dis èqu' ches choux et ches radis, tout cousins germains qu'is sont, et bin, is peuvent é-pont s' sintir. Ches cornichons is sont pont d'accord aveuc ches tomates. Ches tomates justemint is tién'tent pont à côtèYe d' ches peumes é-terre, cha à cause d'èch' mildiou. In plus, ches tomates is n'aiment é-pont l' compagnie d' ches haricots qui, ieuwe, sont d'accord aveuc ches carottes comme aveuc ches cornichons. Ches porionwes is sont contints près d' ches tomates et ches tomates is apprécitent èl' proximitaye d'èch' parsil et d' ches choux.

     Os voulez avouir des radis douches, semez les aveuc du carson aliénoye, mais n' les mettez pont aveuc du cherfeuille, is seront piquants.

     Si qu'os n' voulez pont d' carplutes dins vous choux, mettez aussi du carson aliénoye, mais n'in mettez pont interdeuw ches ognons, os n'n'érez rin du tout !

     Et si qu'os êtes tant so peuw écologiste, faites comme mi, traitez au purin d'ortilles. Cha sint pont bon mais cha détourne chelle vermine et ch'est fertilisant ; in plus, cha n' coûte pont quer et cha n'imposon.ne pont !

     Os voïez, vraimint, pour ête tant son peuw gardinier, i feuw aussi faire travailler s' tête !!!

    

 

Repost 0
Published by Harchelles - dans Textes Jean Dereudre
commenter cet article

Présentation

  • : Le blog de Harchelles
  • : Blog consacré au patois (picard) de la région Nord Pas de Calais, et à l'association Les Harchelles
  • Contact

Recherche

Liens