A l'initiative du Parc Naturel Régional des Caps et Marais d'Opale (Melle Delphine PANOSSIAN, responsable de l'atelier patois), Roland Dussaussoy, président de l'association est allé quatre après-midi de suite à la médiathèque de Recques-sur-Hem pour précher la bonne parole auprès de quatorze enfants de Recques-sur-Hem et de Muncq-Nieurlet âgés de 8 à 11 ans
Ce fut un rendez-vous très très intéressant avec des enfants très intéressés.
On peut aller voir le reportage diffusé sur OpalTV à l'adresse ci-après :
Après la pub, aller à la 11ème minute....
http://www.dailymotion.com/video/xuxoel_jt-07-11-12_tv
Ch'est à l' Ferme Loisel, in restaurant à HOULLE, qu'os savons artreuvèïes èl' samedi 6 octope pour faire nou arpos èd' tous les ans... Os étémes 26. Os avons bién ri et bién mingé :
- kir à l'apéritif avec des toasts,
- saumon à la sauce à l'aneth,
- pavé de boeuf avec des légumes et une sauce Ferme Loisel,
- St Nectaire chaud au cumin,
- tarte aux pommes, coulis au caramel.
Crédit photos : Les deux premières : Philippe Janik, L'Indépendant ; les autres : Roland Dussaussoy.
Rosalie, èl' tite file à Mélanie Troués Déints, alle allout sus ses dije èanwes. Es' grand-mère à Rosalie, alle l'invout portoïe in.ne couque et pis in pot d' confitures èd' grugelles blètes à s' soeur Rosemonde qu'alle habitout èch' villache d'à côtèïe. Mais pour yarriver, i fallout, bién intindu, traverser ch' bowe.
Rosalie alle aurout pu passou-ye pa l' route mais cha l' rallongeout d' mitan. L' mieux d' toute, ch'étout d' passou-ïe par ch' bowe. Mais Rosalie alle avout oubli-ye que l' route d'èch' bowe, si qu'on peut dire, alle étout fort mal in point. Et cha faijout deu-ïes samon-nes qu'i pleuvout sans arrêt. Déjà qu'in temps ordinaire, avec les roy-ïes d' ches reules d' triqueballe, qu' ch'étout pont facile, alors, avec l' pleufe.
Et des éfants, cha resse des éfants. Rosalie alle étout partie avec ses tits sou-yis qu'alle mettout pour aller à l' messe. L' terre alle déplaquout, alle collout àç ses sou-yis.Rosalie alle pouvout pus avanchi, et patatras... alle két à plat vinte dins in-ne grande flaque d'iauwe, avec chelle belle couque et ch' pot d' confiture.
Rosalie alle s'o mis à braire. Heureus'mint, in-ne vielle famme alle étout tout près. Alle a rél'vé-ïe nou Rosalie in l' rassrant, in l'apochinant et pis, in vo-yant l' dallache, alle l'a conduit à s' mason.
Lo, alle a netto-yi ses man-ïes, s' figure, ses habits. Alle l'a récauffé-ïe, netto-yi sin pot d' confiture. L' couque alle étout foutue. Alle a donné-ïe pour l' rimplachi in gros gatiauwe d' pain d'épices qu'alle vénout jusse d'intamou-ïe. A pis, alle a conduit Rosalie par l' man-ïe jusqu'àmon d'ès' grand tante.
Alle li a dit r'vouère in li dijant qu'alle s'appelout Philomène. Rosalie, alle n'arvénout pont. In.ne vielle famme qu'a n' connaichout même pont.... si bon-ne...
D' pis ch' temps-lo, ch' bowe, ch'est devenu l' bowe à Philomène, èl' route, ch'est l' route à Philomène,....
Savez-vous l' différence qui a intre l' canchon èd' Malborought et des haricots ? Nan ! Et in, èj' va vous l' dire : Malbo-rought, comme ch'est dit dins chelle canchon, i s'in va tin guerre, et ches haricots is s'in vont in pets.
Ches pets, parlons-in ! D'autant qu' ch'est à l' portaye èd' tout l' mon.ne. El' jour où ches savants pour qui i y a rin d'impos-sipe, is érons troiuvaye èl' moyin èd' récupérer èl' gaz des pets faits par les tros milliards d'habitants èd' nou planète, is érons là eine source d'énergie inépuisabe.
Mais sérieusemint, èl' pet pour cheuw qui n'èl' sérotent pont, i est défini ainsi par èl' dictionnaire Larousse : "Gaz qui sort du fondement avec bruit". Ch'est court comme définition mais Larousse i oublie d' dire èqu' cha sort aussi aveuque odeur. Ch'est vraye qu' s'i n'érot pont d'odeur, ches sourds is n'in profitrotent pont. Après toute, ête dur èd' la feule cha n'impêche pont d'aouoir du flair !
Qui qu' ch'est qui n' s'est jamais trouvaye in plublic ènn' sachant pont queumint s' ténir sus s' cayelle pour essayer d' con-trer ches gaz qui poussent du côtaye d'èl' sortie. Quand èl' corps i s' manifeste, a creuire qu'i l' fait exprès, ch'est toudis au mauvais momint. Ch'est quand qu'i y a du mon.ne qu'i cache à s' faire intinde. T'as bieuw à cariner, essayer d' garder tin na-turel, i arvient au galop ! Au liu d'ès' faire oublier et crac ! V'la qu'on s'oublie. In pet qui veut sortir et qu'on cache à rintrer, i y a rin d' pus contrariant ! On l' sint vénir et l' momint qu'on va lacher pied (ej' devros putôt dire lacher pet), on n'a qu'in soupir. Ein pitit pet mignon, comme ein pet d' sintimint ; on l' saye qu' cha gêne à cotaye mais cha fait telmint d' bien ! El' pire, ch'est la suite. On li a rin demandaye et i sort in magoniant, alors on tousse ein coup pour étouffer l'affaire.
(à suife)
Os pouvez cungir, souèïe in lapin d' cour ou bién in lapin d' garenne...
Décoper ch' lapin.ye et mette ches morcièowes 24 heures dins in.ne marinade fort vinaigrèïe.
Egoutter et éponger ches morcièowes, les faire arvenir dins du burre, pis ajouter chelle marinade passèïe et faire diminuer d'in.ne mitan ; rajouter in pèwe d'ièowe, du sé et du poife.
Ajouter 500g èd' pruneaux trimpèïes et faire cuire tout ducheméint.
Au dernier momon.ye, ajouter dins chelle sauce queuques cuillérèïes èd' gélèïe d' grugelles...
I vous fauwe : 200g èd' chuque semoule, 2 gan.nes d'oeuwe, in.ne cuilérèïe d'ièowe, in.ne cuillérèïe d'ièowe d' fleur d'oranger, 60g èd' fécule, 4 blancs d'oeuwe et 60g èd' farine.
Os trravaillez dins in.ne terrine, ave"uc in.ne spatule, ches gan.nes d'oeuwe et ch' chuque.
Os ajoutez chelle ièowe et chelle ièowe d' fleur d'organger, et pis chelle fécule.
Os montez ches blancs d'oeuwe in neige et os les mélanger tout ducheméint à chelle pâte.
Os soupoudrez d' farin et os armélangez core aussi ducheméint.
Os versez alors dins des moules bién graissèïes aveuc du burre et d'èl' farine.
I y pus qu'à faire cuire dins in four fort côwe in muchant ches moules aveuc in couvlèche ou bién du papier aluminium.
I vous fauwe : 2 rognèonwes d' géniche, 500 g èd' champignèonwes èd' toutes sortes, 2 échalotes, 1 gousse d'al, 5 cl èd' porto rouche, 3 cuillères à soupe èd' crème fraîche, èd' l'huile d'olife, du sé et pis du poife.
Os nétiez bién comme in fauwe vous champignèonwes, os les lavez et les copez in morcièowes ; os les faijez arvénir chinque minutes à grand fu dins in.ne païelle avecuc in.ne cuillère à soupe d'huile et pis os les mettez d' côtèïe.
Os copez ches rognèonwes in dés et os les cuijez parèle èqu' ches champignèonwes.
Os épluquez ch'l'al et pis ch'l'échalote, os les copez in fins morcièowes et os les faijez roussir dins in.ne païelle aveuc in.ne cuillère à soupe d'huile.
Os rajoutez ches rognèonwes et pis ches champignèonwes et os arfaijez cuire toute pindant chinque minutes à grand fu (èl' recette alle dit chinque minutes, mais mi j'in doute in pèwe quand min.me...).
Os arrousez aveuc èch' porto ; os laichez diminuer et os ajoutez chelle crème, du sé et pis du poife.
Os pouvez minger cho qu'os voulez aveuc, cha vous argarde !
Ch'est l' samedi 15 octobre qu'os avons èwe nou arpos à Bilques (Helfaut) à ch'l' Estaminet "La Clef des Champs".
Au menu :
- à l'apéritif : soupe champenoise,
- du sandre, du saumon ou d'èl' terrine èd' canard,
- du pintadeau, du canard ou d'èl' blanquette èd' vièowe,
- du fromache,
- et pis, comme dessert, in.ne assiette gourmande.
Os étames 32 à tape, et cha n'o pont étèïe in.ne après-midi trisse...
Queuques photos :
In premier Roland...
Léon...
Désiré...
In deuxième Roland...
Ches Catrèw d' Freumions (Yvette, Julien, Marcel et Odette).
Marcel et l' fan.me à ch' deuxième Roland...
